اتصال

السلام عليييييييكم



إتصل فيني هذاك اليوم وأزعجني بإتصاله....
قلت أحقره ولا أهتم لكن غلبني بإصراره .....

قلت: آلو قال: يا أحلى آلو ياللي يسعدني وصاله .....
هلا بهالصوت هلا بالزين اللي ذوبني بإشارة......

قلت يا ابن الناس انا مالي في دروب العشق ولا لي في مجاله ...
ولاني من الناس اللي يحسبون المحبة شطارة ....

و لالي في طريق الحرام وأخاف من رب الجلالة....
و لاني من تابعات النفس تراها بالسوء أمارة ...

قال: يا بنت الحب قبل الزواج طيب فاله ...
وشريك العمر تتوجب نقوته واختياره ......

ضحكت وقلت هذا درب كل لعوب يمر من خلاله....
علا صوته و قال: أنا فلان اللي كلن تولع في ناره ....

تجي بزرة من بزور المدارس ترفض وصاله....
خلاص أنا قلبي اختار ولا يمكن يرجع في قراره....

صكيت الخط في وجهه لأن ما بيغيرني جداله ...
ولاني ببايعه نفسي له برهن الإشاره ....

كلمتني اخته وقالت ليه انتي رافضه وصاله....
ليه انتي عنيدة وراسك يابس مثل الحجارة ...

ترى أخوي مزيون وهو في حينا أزين رجاله ....
ويشهد الغريب وولد عمه وجار جاره ...

قلت : إنتي تعرفين العاشق كيف تصبح حالته حاله ....
واللي مثلج أدرى بالعشق وأدرى بأسراره ...

وأنا بنية مهما يكون ومهما تمدحين أحواله ....
لي سمعةٍ إذا ضاعت بنرفض حتى من اهل داره ...

قولي لي لعوبٍ مثله كيف بيربي عياله ....
كيف بيحافظ على بيته ويحفظ أسراره ؟؟ ...

ولا أتخيل ولدي قطعةٍ مني يطلع من أشكاله ....
من مجمع لي مجمع وعيونه بين البنات محتاره .....

قولي هذا الكلام لأخوك ووصلي بعده رساله ....
وقبلها خبريه إن كلامي ما أمل تكراره ...

قولي له حلاة الريال لا حمل راية الأصالة ....
حلاته بعيد عن درب اللعب والعياره ....

وحلاة البنت معه لا صارت من حلاله ....
تحافظ على بيته وتحفظ أسراره ....

وقولي لمزيون حيكم بآخر هالرساله ....
إذا طالع لي فيها (فلان) ترى أنا ( سارة ) .....



تحياتي
فاطمة أنور

العفو
و تسلمون يا بدون اسم و مريوم على مروركم

تحياتي
فاطمة أنور

تسلمين حبيبتي على موضوعج
والله خوش بنية

مشكورين على المرور حبايبي
قتاة القرآن و سبوج

تحياتي
فاطمة أنور

مشكورة فاطمة أنور على الموضوع الحلو و الرومنسي شوي

ثنكس فطوم على الموضوع و تر سامعينها من قبل بس
صح لسانها زين اتسوي فيه

تسلمييين حبيبتي فطوووم لانج سمعتي كلامنا وحطييتي القصييدة لانها والله والله حلوة وعجيبة بعد
فطوم الخطيب سامعتها من قبل لأن فطوم انور قالتلنا اياها بالمدرسة

العفو حبايبي
و مشكورين على مروركم الكريم