غمض عيونك تصور بلدة ما فيها بنات
الشواطىء خاليات والشوارع خاليات والمجالس خاليات
فتح عيونك وقولي مثل شنهو هالحياة
وش كثر ثم وش كثر لولا البنات
البنات هم البداية لولا حواء ما صحى ادم وظل في سبات
ما خفق قلبة ولاتحرك شعورك وتمت عيونك مغمضة
من حكيهم من ضحكهم يضحك اللؤلؤ يتناثر بالمئات
ومن سحرهم تنسحـر دنيا بكبرها
هم الساس وتاج الرأس وكـل الناس
وهم جنة الماضي والحاضر والي آت
وش كثر ثم ايش كثر كانت لولا البنـات
كانت كريهة هالحياة
وأنت طاير منهو يطرد عنك هموم
السفر في الطائرات البنات
وأنت قايم وأنت نايم منهو دايم يفتح
عيونة عليك يسهر يبات البنات
قولي منهو الي يخلي قلبك
الخامد يشب غير البنات
وأنت متضايق وقرقان في الزعل منهو
يقلب عيشتك المرّه عسل البنات
في الروايات والقصص ما حلت
قصة ولاطابت روايه خالية مافيها بنات
هم شيء في كل شيء وهم
وكل حي لو طفت ساعة مكينة الكهربا هم القمر
اش كثر تربح (بتلكو ) من حكي
الناس في البنات
تيلفونات اتكلم بيجرات دوم اترنن
هذي بالنقال ينادي سارح وياه جوادي
وهذي في الانترنت طول الوقت ما يسكت
في الاغاني والمباني وانت اول وانت ثاني
الكلام كله عن البنات
وش كثر ثم ايش كثر كانت
كريهة هالحياة لولا البنات
قولو امين لين دعيت الله يخليلنا البنات
موضوع: قصيده بحرينيه للشاعر عبد الرحمن رفيع عن البنات 
